義工姓名：關愛施
機構名稱：基督教家庭服務中心真光苑長者地區中心
評語:
- 這是一篇非常真摯的分享，作者藉著豐富的義務工作經驗，帶出施比受更有福的訊息。
大家好，我叫關愛施。我係一個小學程度都無的主婦，以前什麼事情都要問老公，是一個無自信，又自主的人。
十幾年前，由於父母年老多病，到了真光苑長者日間護理中心。自此，我和真光苑就結下緣份。父母在日間中心得到照顧，好多謝中心姑娘關照，又不時安排義工電話問候，直至我父母相繼離世，中心姑娘建議我做義工，我聽到，就開始驚，我從未想過做義工。其實，參加後我都好開心，六十幾歲，都揾到份筍工，不過，無錢嫁！多年來，中心提供很多不同義工訓練，豐富我很多長者知識，我嘅義工服務亦多元化，包括電話問候、探訪、陪診、滅罪先鋒，第三齡長者服務等等。講都講唔晒！最令我睇到，我地係小小義工，每次做嘅都係小幫忙，但係有莫大義意，就好似探訪一位獨居婆婆，係中心會員，非常喜歡聽粵曲，現在年紀大，行動唔方便，佢嘅活動範圍只係家中門口，最多去到大堂和看更談話。生活非常單調，我每次探訪她，她都唔捨得我走，我後來用輪椅帶佢返中心，聽粵曲，又參加中心活動，又帶佢去買東西，看到佢臉上開心的笑容，真係用錢都買唔到。
多謝中心比機會我學習，以前，我係服務使用者，而家角色轉換，成為提供服務嘅義工，施比受更有福，非常配合我的姓名呀！